Pathien LALPAA chun ân sukhrat a.

 (1 Sam 30:6)

Damlai hringnun kal ei chawina a hin thlipui chi hran hranin ami nuoivel chang aum hlak. “Damlai Thlipui” ti lekhabu ziektu chun thlipui chi hran hran ei tuok thenkhat hai  a lekhabuah a ziek a, chuonghai chu, Thlemna thlipui dam, lungngaina thlipui, muolphona tawpkhawk le hmingsietna thlipui, pasietna thlipui le nat beidawngna thlipui hai  hi an nih. Hieng thlipui hai hi a tuoklo chu vangkhatte ning ei tih.

Khawvela mi inlar (Celebrities) eiti hai khawm TV ringawta en chun nun inhawi hmel em em le inhnar um em em hmel putin aninlang hlak kha tiraw? Amiruokchu a ruktein kilkhata an lu anlo dawm ve ngawi ngawi chang aum hlak. Hollywood ei hril kai phaknaw deu khawma Bollywood bek hang hril inla, tumkhat Amitabh Bachchan (Big B) interview an neina a chun hieng hin alo tih “Screen life larger than life.” Hi umzi chu Tv screen a ei hmu hlak ang ngawt khan takrama damlai hringnun alo hmang bik chai nawh tina anih. An hringnuna damlai thlipui chihran hranin a sawk ve hlak a. Bollywood star iemanizat mani hringna inlak(Suicide) khawm an um rawp hlak ani kha. Amiruokchu hienghai hi ringnawtu hai hringnun hmang dan le an damlai thlipui phur dan chu anih.

Anle eini ringtuhai hin Damlai Thlipui in ami nuoi vel chang iengtinam eilo dawnlet hlak ?  Iengtinam I um hlak? In ngaituo kunin I thlep thla der el hlak am ani? Buoina I tuok a, Pathien a’nthawk thangpuina I hmu el sinaw a. Harsatna I tuok a, I sungha’n an thangpui thei el bawk naw che a. Lungngaina I tawng a, I hmangai ha’n an hnem naw che a. Manganna  ah I ruolha’n an hnem bawk naw che a. Nun khawsawt ngawi ngawiin inhriet a, ringtlâk le ringding reng I hmu bawk nawh. Chuong huna chun Damlai Thlipui hi iengtinam I tuor hlak?

Lal David a chanchin hang en ei tih: Lal David le a rawihai chu raldo fea intieng kira anin lawi chun an nuhmeihai, an naupasalhai, an naunuhmeihai chu salah an lo man pek vawng a. “Chuongchun, David le a kuoma umhaiin an râwl an insuoh a, tap hlei thei lo lêkin an tap a” Sap Bible chun hien a tih “So David and his men wept aloud until they had no strength left to weep”  An tuor nat dan ding chu zuk ngairuot thei a nih. Hmelma inbeina a khawm an nuhmeihai salah hei in man pek dai chu in hnesawna rapthlak tak chu anih. Amiruokchu Lal David hi Damlai Thlipui in na taka a sawk laia a thilthaw hi tha kati bek bek el chu anih. Eini rawi ni inla chu iengtin takin am Pathien kuoma ei nuor thusim eiin zawt hman rek ding. Lal David ruok chu a “Pathien LALPAA chun ân sukhrat a” ti hi anih.

Pathien LALPAA insukhrattu hai chu an hlawsam ngai naw reng reng. 1 Sam 30: 8 na ei tiem chun “Chun, David chun, “Chuonghai chu hnawt lang, la hnawt phak ka ti?”tiin LALPA chu ân dawn a. Ama chun a hung dawn a, “Hnawt rawh, hnawt phak ngei ngei i ta, sansuok vawng ngei ngei i tih,”a ta. Harsatna tawpkhawk a tuok lai khawma Pathien ala hei râwn tawk tawk nuomna lungril hi ngaisang aum kati a, Kristien hringnun kal ei chawina khawnga hin hi hi thil pawimaw tak chu anih. (Damlai thilpui in ami nuoi chang aum hlak sia.)

Saula chanchin hei en nawk zawk inla, ama khawm hi Damlai Thlipui in a nuoi ve leia buoisie, Titna thlipui in a nuoia, David angin Pathien LALPAA ah insukhrat nek nekin khawhri aisânthiem zâwl nuhmei ava râwn a. A hun nuhnunga lem khan chu ama le ama an that ta hlawl el ani kha.

Nang tiemtu dittak, harsatna, beidawngna, manganna le bawrsawmna thlipui in a nuoi huna che iengtinam lo sang let ita?  Pathien LALPAA insukhrât am, khawvel thil-ah i lungngaina hnemtu ding i zawng vêl ruoi hlak?

A kharna dingin hi hla hi inlet hran chuong loin Pathien LALPAA insukhratna hla tha tak ani leiin hei suklang ei tih.

When you’re up against a wall, and your mountain seems so tall,
And you realize life’s not always fair, you can run away and hide, let the Old Man decide,
or you can change your circumstances with a prayer.

When everything falls apart, praise His name.
When you have a broken heart, just raise your hands and say,
“Lord, You’re all I need. You’re everything to me”
And He’ll take the pain away.

 

And when it seems you’re all alone, Praise His name.
When you fell you can’t go on, just raise your hands and say,
“Greater is He that is within me.” You can praise the hurt away,
if you’ll just praise His name.

Oh, you can overcome by the blood of the Lamb
and by the word of your testimony.
You’ll see the darkness go, as your faith begins to grow.
You’re not alone, so how can you be lonely?

Pathienin mal mi sawmpek raw seh.

 

david-strengthened-himself-in-the-lord-his-god

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s